مفتوح في وجه كل الشخصيات المسؤولة التي تملك دوبل ناصيوناليتي وحارقة قبل الوقت امنة مطمئنة لاتحاف لاروكان ولاعواصف البحرعلى كل مزلوط لا يملك لافيستا ولا كبوط ان يردد هذا الدعاء كلما سمع كلمة الخارج سبع مرات
*******
اللهم خلقتنا مغاربة وبيخير
ورضينا بالانتماء الى شعب فقير
ورضينا بحكومة كتدْفعْ علينا كْبير
ورضينا ببرلمان يتقن الشخير
فارحمنا يوم تشتد نار السعير
*****
اللهم شَوِّط أعداءنا بالنار واللهيب
واللي خاد شي جنسية ديال الغريب
وولى بجوج وجوه بحال الديب
بغيناك تشويه وتخوي ليه الجيب
انت عارفو غدار وشفار وكديديب
********
اللهم راه فقصنا هنا ولهيه
مزيان الكبير فينا يجبد ليه ودنيه
ولكن بغيناه يتعلق من رجليه
ياك بغى يطير ياربي تجليه
واللي دارها بيديه يفكها بسنيه
*********
اللهم شحال من واحد ما رضى بينا
بدل باسبورو وداير حالة فينا
هاد ولد الحرام ف كرشو لعجينة
ايلا بقى غاتبقى حياتنا روينة
بين فيه العلامة حيت كيفوح علينا
موضوع: هذا الدعاء 
الأربعاء يوليو 29, 2009 7:26 am
